Con motivo do mes da ciencia en galego, máis unha vez vos deixamos coa entrada que o blogue Carta Xeométrica fixo para a ocasión.
No Colexio Lestonnac de Ferrol volven repetir dando na diana con outro audiovisual
encantador para celebrarmos o Día da Ciencia en Galego. Lembremos que hai
un ano publicaran un vídeo sobre a Física e Química e outro sobre as Matemáticas.
Precisamente hai uns poucos días presentábase a Guía dos elementos químicos. Historia, propiedades e aplicacións, editado polo Centro Ramón Piñeiro para a Investigación en Humanidades, de Ana María González Noya, Marcelino Maneiro Maneiro e Manuel Bermejo Patiño. Por culpa da nefasta política lingüística que impón o castelán no ensino da Física e a Química, este manual non pode ser utilizado no seu lugar natural, as aulas. En consecuencia a guía só pode abrirse baixo a ameaza dun decreto que actúa contra o galego.
Precisamente hai uns poucos días presentábase a Guía dos elementos químicos. Historia, propiedades e aplicacións, editado polo Centro Ramón Piñeiro para a Investigación en Humanidades, de Ana María González Noya, Marcelino Maneiro Maneiro e Manuel Bermejo Patiño. Por culpa da nefasta política lingüística que impón o castelán no ensino da Física e a Química, este manual non pode ser utilizado no seu lugar natural, as aulas. En consecuencia a guía só pode abrirse baixo a ameaza dun decreto que actúa contra o galego.
Coma se fose un enterrador que quer asegurarse de que o morto non vai saír da súa tumba, Valentín García oficiou como mestre de ceremonias na presentación da guía. Ben podía levarse todos os exemplares para a súa casa, quizais así durmira máis tranquilo.
Así mesmo, unha gorentosa edición, tamén do Centro Ramón Piñeiro, dun libro divulgativo sobre o mesmo tópico, O nome e o símbolo dos elementos químicos, de M.R. Bermejo, A.M. González Noya e M. Vázquez pode descargarse aquí.
Para sabermos máis:
-GCiencia O portal da ciencia galega.
-Mes da Ciencia en Galego 2018 Bibliotecas escolares.
-Ciencia Nosa Innovación docente en didáctica e divulgación científica.
-Igaciencia A prol da ciencia en galego e do galego na ciencia.
Grazas por espallar a mensaxe
ResponderEliminar