marzo 03, 2016

Os beneficios dun cerebro bilingüe

Máis unha vez no blog do vello amigo Cibrán, Carta Xeométrica, profesor de Matemáticas e amador (amateur) da nosa lingua, como indica no lema do blog: "Quero aplicar a miña ciencia á lingua para pintar a face do noso maior ben colectivo: o galego", atopamos un vídeo ben interesante.


Unha chea de veces, di Cibrán, vin referencias a estudos sobre as vantaxes do coñecemento de máis dunha lingua. Comparto este vídeo precisamente por estar neste formato e explicar a cuestión moi brevemente pero máis alá dos tópicos más típicos. 

É evidente que saber máis dunha lingua pode facer que algunhas cousas sexan máis doadas, como viaxar ou ver unha película sen subtítulos. Mais ter un cerebro bilingüe ou multilingüe ten outras vantaxes. Mia Nacamulli fálanos sobre os tres tipos de cerebros bilingües e demóstranos que saber máis dun idioma mantén o cerebro san, complexo e activo. 


2 comentarios:

Que o blog estea vivo, depende de ti. Lembra: escribe ben, manteno limpo, mellórao coa túa aportación. Participa e fainos diferentes!
En Comentar como..., selecciona: "Nome/URL". Pon o teu nome, e deixa en branco o espazo de URL. Así todos saberemos quen somos!