abril 17, 2017

Abril é liberdade

O levantamento militar do día 25 de abril de 1974, denominado Revolución dos Caraveis (en portugués: Revolução dos Cravos) derrubou nun só día o réxime político que existía en Portugal  desde o ano 1926 (coñecido como Estado Novo desde 1933) e que era o máis lonxevo de Europa, e fíxoo sen grande resistencia por parte das forzas leais ao goberno, que cederon perante o movemento popular que espontaneamente se uniu aos militares sublevados. 

Este levantamento é coñecido por 25 de Abril ou Revolución dos Caraveis. O levantamento foi conducido polos oficiais intermedios da xerarquía militar (o MFA), na súa maior parte capitáns que tiñan participado na Guerra Colonial. Considérase, en termos xerais, que esta revolución devolveu a liberdade ao pobo portugués, denominándose Día da Liberdade ao día conmemorativo instituído no país irmán para lembrar esta rebelión incruenta. A revolución debe o seu nome á reacción popular, que foi repartindo caraveis aos soldados mentres estes os poñían nos canóns das súas armas, simbolizando así o seu apoio á revolución e a solidariedade co seu pobo e contra o fascismo salazarista.


Para sabermos máis:
Centro de documentación da Universidade de Coimbra 
Historia do 25 de Abril de 1974
40 anos do 25 de Abril. Guía de reportaxes da RTP

Ningún comentario:

Publicar un comentario

Que o blog estea vivo, depende de ti. Lembra: escribe ben, manteno limpo, mellórao coa túa aportación. Participa e fainos diferentes!
En Comentar como..., selecciona: "Nome/URL". Pon o teu nome, e deixa en branco o espazo de URL. Así todos saberemos quen somos!