Visita á Casa Museo de Manuel María

Como remate de curso e agradecendo a colaboración do alumnado do EDL fomos ata Outeiro de Rei e fixemos un pequeno, pero fermoso percorrido desde a Praza da vila  cara o Regato do Cepelo. 

Río polo que Manuel María  ten devoción , de aproximadamente un quilómetro que  nace e morre en Outeiro de Rei; nace na parroquia de Bonxe e desemboca no Río Pequeno (afluente do Miño). O poeta sempre que viña a Outeiro de Rei, primeiro ía pola estrada onde podía ver o Cepelo e despois botaba unha ollada á horta e arboredo da finca da casa, mesmo antes de saudar á familia.

Volvemos á vila para visitarmos a Casa Museo. Na antiga palleira escoitamos  a voz do poeta e a seguir comezamos a visita no cuarto onde el nacera.                                                                                                               

Antón foinos mostrando algunha edición interesante que posuía o poeta, a maneira de coidar os libros, como el mesmo lles colocaba uns marcadores. Mostrounos algunha das obras que tiña de Florencio Delgado Gurriarán (autor homenaxeado nas Letras Galegas 2022). Tamén nos falou da ben coñecida amizade entre Manuel María e Darío Xohán Cabana ou con Uxío Novoneyra, etc.  Soubemos da súas obras , das súas coleccións e visitamos a súa biblioteca.