xaneiro 24, 2021

Premios Candeloria

ENTREGA DE PREMIOS

Concurso de poesía Candeloria 2020

A causa do confinamento e peche dos centros de ensino a partir do 13 de marzo de 2020, non puidemos facer entrega dos premios do certame do pasado curso 2019-20. 

E agora, rematado este primeiro trimestre, aínda non sendo posible facer a entrega a través dun acto numeroso e lucido, por causa de respectar as medidas que marca o protocolo Covid, si puidemos (en formato reducido) entregarlle aos premiados, alumnado actualmente en 3º e 4º de ESO, os seus esperados e merecidos agasallos.

O 1º premio foi para Cristina Pérez Amigo

Varios Accesit para: 

Natalia Edrosa Crecente

Raúl Freire Fernández

Karla García Cabarcos

Laura García Fernández

Agradecemos a todas e todos eles a súa participación e bo facer, desexando que manteñan sempre o seu espírito literario. Parabéns!

Agardamos poder facer unha nova convocatoria proximamente na que haberá novidades e na que esperamos seguir contando coa colaboración dos premiados e coa de todas e todos vós.

E sen máis, aquí deixamos un pedaciño da arte deste certame:

O amor máis bonito 

non é sempre o que pensamos:

ese que te eleva ás nubes,

cando estamos namorados.

 

Ás veces, o amor máis bonito

é o da amizade,

dos que están sempre ao teu lado, 

na saúde e na enfermidade.

 

Ou o amor desa persoa

que te coidou dende meniña,

que che ensinou dende a falar

ata a vivir a vida.  

 

Eses amores verdadeiros,

fortes e irrompibles.

Eses pasados por alto,

tanto que nin os percibes.

 

Pero son eses amores

os que nunca te deixaron,

por iso, fai un esforzo

para aprender a aprecialos.


Ningún comentario:

Publicar un comentario

Que o blog estea vivo, depende de ti. Lembra: escribe ben, manteno limpo, mellórao coa túa aportación. Participa e fainos diferentes!
En Comentar como..., selecciona: "Nome/URL". Pon o teu nome, e deixa en branco o espazo de URL. Así todos saberemos quen somos!