Tivemos a sorte de contar no pasado mes de maio coa presenza da xuíza maxistrada
Dalila Dopazo, natural de Marín e destinada no Xulgado do Social nº 3 de
Lugo. Dela salientamos que en 2014 recibiu o Premio Lois Peña Novo,
que recoñece o labor, tanto individual como colectivo, daquelas persoas,
entidades ou empresas que traballan ou teñen relación coas administracións
públicas e que fan co seu traballo cotián -estudos ou traballos de
investigación- que a lingua galega se consolide, cada vez máis, no eido das
administracións públicas, na vida institucional de Galicia e na sociedade en
xeral. É autora de artigos como "A quebra da progresividade no proceso de normalización lingüística" no Decreto para o plurilingüismo no ensino non universitario de
Galicia.
De forma clara e amena explicounos os termos “pluralidade lingüística”, “lingua propia”, “cooficialidade”, “liberdade de opción lingüística” etc. e fixo referencia á situación da lingua no ámbito do ensino coa
análise dos diferentes decretos ao respecto. Tamén nos achegou a realidade
de uso, ou mellor a escasa presenza do noso idioma no ámbito da
xustiza.
Ningún comentario:
Publicar un comentario
Que o blog estea vivo, depende de ti. Lembra: escribe ben, manteno limpo, mellórao coa túa aportación. Participa e fainos diferentes!
En Comentar como..., selecciona: "Nome/URL". Pon o teu nome, e deixa en branco o espazo de URL. Así todos saberemos quen somos!